Աշխատանքային գործունեությունը սկսել է 1971-ին՝ Ստեփանակերտի էլեկտրատեխնիկական գործարանում:  Եղել է հավաքող - փականագործ, ապա՝ ինժեներ-մեխանիկ: 1980-ից տարբեր պաշտոններ է զբաղեցրել Լեռնային Ղարաբաղի կոմերիտական — կուսակցական մարմիններում: 

1989 — 1990 թթ. ընտրվել է Հայաստանի Գերագույն խորհրդի պատգամավոր, Գերագույն խորհրդի նախագահության անդամ: 1991 թ. ընտրվել է ԼՂՀ առաջին գումարման Գերագույն խորհրդի պատգամավոր: 

1988 թ. փետրվարից Արցախյան շարժման քաղաքական առաջնորդներից է;  Անդամակցել է «Կռունկին», որի լուծարումից հետո հիմնադրել — գլխավորել է «Միացում» կազմակերպությունը:  

1992 թ. օգոստոսին, երբ ադրբեջանական բանակը բռնազավթել էր ԼՂՀ տարածքի կեսը, Ռ. Քոչարյանը ստանձնեց Լեռնային Ղարաբաղի Հանրապետության Պաշտպանության պետական կոմիտեի նախագահի — ԼՂՀ վարչապետի պաշտոնը:  

1994թ. դեկտեմբերի 24-ին՝ ԼՂՀ Գերագույն խորհրդի որոշմամբ, իսկ 1996 թ. նոյեմբերին՝ համաժողովրդական ընտրություններով, Ռոբերտ Քոչարյանը ընտրվեց Լեռնային Ղարաբաղի Հանրապետության նախագահ: 

1997 թ. մարտից Ռոբերտ Քոչարյանը Հայաստանի Հանրապետության վարչապետն է: 

Ամուսնացած է, ունի երեք երեխա: